Çак куна халалланă шкул мероприятийĕсем тĕрлĕ енлĕ пулчĕç. Вĕрентекенсем 1-11 классенче «Чăваш Республикин Патшалăх символĕсем» темăпа класс сехечĕсем ирттерчĕç. Тĕллевĕ ачасенче патриотизм, гражданлăх туйăмне аталантарасси, чăваш патшалăх символĕсем мĕнле пулса кайнипе паллаштарасси пулчĕ. Пуçламăш класс ачисем ÿкерчĕксен конкурсне, 5-мĕш классем викторинăна, 7-8-мĕш классем презентацисен конкурсне хастар хутшăнчĕç. Конкурссенче, викторинăра çĕнтернĕ пултаруллă ачасене дипломсемпе грамотасем парса  чысларĕç.